"Bu xəbər və nəşr ABC News tərəfindən dərhal silinməlidir"
Ağ Evin mətbuat katibi Kerolin Levitt ABC-dən Federal Təhqiqat Bürosunun (FTB) Kaliforniya polisini İranın pilotsuz təyyarə hücumları ilə bağlı xəbərdar etdiyini iddia edən xəbəri silməsini tələb edib.
AYNA.AZ xəbər verir ki, o “X” sosial media platformasında yazıb: "Bu xəbər və nəşr ABC News tərəfindən dərhal silinməlidir".
Ağ Ev sözçüsünün sözlərinə görə, hesabatda Amerika vətəndaşlarını qorxutmaq məqsədi daşıyan yalan məlumatlar var. O hesabatın təsdiqlənməmiş məlumatlara əsaslandığını qeyd edib.
Levitt həmçinin vurğulayıb ki, İrandan ABŞ-a qarşı belə bir təhlükə "mövcud deyil və heç vaxt mövcud olmayıb".