“Demokratlar, mən bu ölkənin hər bir liderini təkcə ritorikanı azaltmağa deyil, senzuranı yumşaltmağa çağırıram”
ABŞ Respublikaçılar Partiyasından vitse-prezidentliyə namizəd Ceyms Devid Vens keçmiş dövlət katibi Hillari Klintonun bəyanatlarına cavab olaraq demokratları mövqelərini bölüşməyənlərə qarşı senzuranı yumşaltmağa çağırıb. Bu barədə AYNA xarici mediaya istinadən bildirir.
“Demokratlar, mən bu ölkənin hər bir liderini təkcə ritorikanı azaltmağa deyil, senzuranı yumşaltmağa çağırıram. Gəlin bir-birimizlə mübahisə etməyək”, deyə bildirib.
Vens xatırladıb ki, keçmiş dövlət katibi Klinton medianı respublikaçılar tərəfindən yayıldığı iddia edilən “dezinformasiya”nın kifayət qədər işıqlandırmamasına görə tənqid edib. Həmçinin amerikalıları bu cür hərəkətlərə görə cinayət məsuliyyətinə cəlb etməyə çağırıb.
Bundan əvvəl Hillari Klinton Donald Trampa sui-qəsd cəhdini şərh edərkən baş verənlərə görə siyasətçinin özünü günahlandırıb. O Trampa hücumun hazırkı dövlət başçısı Co Bayden və vitse-prezident Kamala Harrisin ritorikasından qaynaqlandığına dair iddiasını tənqid edərək, siyasətçinin özünün “insanları qəzəbləndirdiyini” qeyd edib.