“ABŞ-ın NATO müttəfiqləri Avropanın adi müdafiəsi və Rusiyanı çəkindirmək üçün məsuliyyəti öz üzərinə götürməlidir”
“ABŞ-ın NATO müttəfiqləri Avropanın adi müdafiəsi və Rusiyanı çəkindirmək üçün məsuliyyəti öz üzərinə götürməlidir”. AYNA.AZ xarici mediaya istinadən xəbər verir ki, bu sözləri ABŞ-ın müdafiə naziri Pit Heqset deyib.
"Prezident Donald Tramp və onun administrasiyası NATO müttəfiqlərinə bildirib ki, onlar addım atmalı və Avropanın adi müdafiəsi üçün əsas məsuliyyəti öz üzərlərinə götürməlidirlər. Biz artıq bu sahədə irəliləyiş görürük. Strategiyamız sağlam düşüncəyə əsaslanır: NATO müttəfiqlərimiz Rusiyanı çəkindirmək üçün iqtisadi gücə malikdirlər. Və bizim resurslarımız getdikcə genişlənir. Biz bütün diqqətimizi NATO-nun müdafiə resurslarına yönəldirik. Müttəfiqlərimizdən də bütün diqqəti NATO-nun müdafiə resurslarına yönəltməyi gözləyirik. NATO Avropada güclü çəkindirici qalxandır”, - Pentaqon rəhbəri bildirib.
Heqset Nümayəndələr Palatasının Təxsisatlar Komitəsinin dinləmələrində daha sonra deyib: “NATO müttəfiqlərimizin Avropanın adi müdafiəsi üçün əsas məsuliyyəti öz üzərinə götürməsi həyati vacibdir və vaxtı keçmişdir. Bu, təkcə yorulan amerikalı vergi ödəyiciləri barədə ədalətin bərqərar olması ilə bağlı deyil, həm də ABŞ diqqətini vətənimizi müdafiə etməyə və Çini nəzarət altına almağa yönəldiyi halda, NATO-nun güclü və möhkəm ittifaq olaraq qalmasını təmin etməkdir. Bu yolla biz Avropada sülhü gələcək nəsillər üçün güc yolu ilə bərpa edə və qoruya bilərik".