Müdafiə naziri: "Ermənistanın törətdiyi təxribatların qarşısı qətiyyətlə alınıb"
Rusiyanın müdafiə naziri ordu generalı Sergey Şoyqu Azərbaycan-Ermənistan dövlət sərhədində yaranan vəziyyətlə bağlı Azərbaycanın müdafiə naziri general-polkovnik Zakir Həsənova zəng edib.
Bu barədə AYNA-ya Azərbaycan Müdafiə Nazirliyindən məlumat verilib.
Telefon danışığı əsnasında general-polkovnik Z.Həsənov iki ölkənin dövlət sərhədində Ermənistanın törətdiyi təxribatların qarşısının qətiyyətlə alındığını bildirib.
Ordu generalı S.Şoyqu hərbi əməliyyatların dayandırılması və vəziyyətin sabitləşdirilməsi üçün səylər göstərməyə hazırlığını ifadə edib.