Hadisə nəticəsində pilot həlak olub
Ukraynada MiQ-29 qırıcısı qəzaya uğrayıb. AYNA.AZ Ukrayna mediasına istinadən bildirir ki, bu barədə ölkənin Hərbi Hava Qüvvələri məlumat yayıb.
Qeyd olunub ki, Ukrayna Silahlı Qüvvələrinin MiQ-29 qırıcısı döyüş tapşırığını yerinə yetirdikdən sonra eniş zamanı qəzaya düşüb. Hadisə nəticəsində pilot həlak olub.
“2025-ci il avqustun 23-nə keçən gecə 1979-cu il təvəllüdlü mayor Sergey Viktoroviç Bondar döyüş tapşırığını yerinə yetirdikdən sonra eniş edərkən həlak olub”, – məlumatda qeyd olunub.
Qəzanın səbəbləri araşdırılır.