Serhat Lətifoğlu: “Bu, mütləq baş verəcək, biz bunu yaxın gələcəkdə görəcəyik"
“Türkiyə yaxın illərdə mütləq NATO-dan çıxacaq - ya öz təşəbbüsü ilə, ya da məcburi şəkildə”. AYNA xəbər verir ki, bu sözləri Ankaranın BRİKS-ə qoşulmaq niyyətini şərh edən türkiyəli politoloq Serhat Lətifoğlu deyib.
“Bu, mütləq baş verəcək, biz bunu yaxın gələcəkdə görəcəyik", - analitik qeyd edib.
Eyni zamanda, Lətifoğlu bildirib ki, Türkiyə BRİKS-ə qoşularsa, bu, NATO ölkəsinin Assosiasiyaya üzv olmasının görünməmiş nümunəsinə çevriləcək.
"BRİKS və Türkiyənin xarici siyasət və iqtisadiyyatla bağlı əsas prinsipləri tamamilə eynidir", - o əlavə edib.
Qeyd edək ki, Türkiyə BRİKS-də tam iştirak üçün müraciət edib. Avropa Birliyi Türkiyənin qoşulmaq üçün blok seçməkdə sərbəst olduğunu bəyan edib.