Mayın 15-dən Amerika şirkətləri bir sıra qaydalara əməl etməlidir: Çin, Rusiya, İran və Şimali Koreyaya tədarük qadağandır
ABŞ Prezidenti Donald Tramp Co Bayden administrasiyası dövründə süni intellekt (Sİ) çiplərinin ixracına qoyulan məhdudiyyətləri aradan qaldırmağı planlaşdırır. AYNA.AZ xəbər verir ki, bu barədə mənbələrə istinadən “Bloomberg” məlumat yayıb.
Qeyd olunub ki, mayın 15-dən Amerika şirkətləri bir sıra qaydalara əməl etməlidir: çiplər ABŞ-ın müttəfiqi olan 17 ölkəyə, eləcə də Tayvana məhdudiyyətsiz, daha 120 ölkəyə məhdud miqdarda verilə bilər. Çin, Rusiya, İran və Şimali Koreyaya tədarük qadağandır.
Bildirilib ki, Tramp administrasiyası böyük texnoloji şirkətlərin və xarici hökumətlərin ciddi etirazına səbəb olan yarımkeçirici ticarət məhdudiyyətlərini əsaslı şəkildə bərpa etmək üçün daha geniş səylərin bir hissəsi olaraq tədarük məhdudiyyətlərini qaldırmağı planlaşdırır.
"Tramp administrasiyası mayın 15-də qüvvəyə minən süni intellekt qaydasını tətbiq etməyəcək", - məlumatda vurğulanıb.