Təqdim olunan imtahan qrafikləri 2019-cu ildə keçirilən müsabiqəyə aiddir və həqiqəti əks etdirmir
Təhsil İnstitutunun İnsan Resursları Mərkəzi müəllimlərin işə qəbulu üzrə müsabiqədə iştirak edəcək şəxslərə müraciət edib.
Mərkəzdən AYNA-ya verilən xəbərə görə, sosial şəbəkələrdə və mediada müəllimlərin işə qəbulu üzrə müsabiqənin test imtahanı mərhələsinin keçiriləcəyi tarixlər yayılıb: "Bildiririk ki, təqdim olunan imtahan qrafikləri 2019-cu ildə keçirilən müsabiqəyə aiddir və həqiqəti əks etdirmir. Cari il üzrə keçiriləcək müsabiqənin imtahan tarixləri imtahandan ən azı bir həftə əvvəl namizədlərin şəxsi səhifələrinə göndəriləcək. Daha dolğun və doğru məlumatlar əldə etmək üçün vətəndaşlara Təshil Nazirliyinin və İnsan Resursları Mərkəzinin rəsmi sosial media hesablarını izləmək tövsiyə olunur".