“Qısa müddətdə Şuşa turları kimi buraya və ətraf ərazilərə turistlərin gəlişi nəzərdə tutulub”
Yaxın zamanda Suqovuşana turlar təşkil olunacaq. AYNA xəbər verir ki, bu barədə jurnalistlərə açıqlamasında Dövlət Turizm Agentliyi sədrinin müavini Azadə Hüseynova deyib.
Onun sözlərinə görə, artıq bununla bağlı işlərə başlanılıb: “Qısa müddətdə Şuşa turları kimi buraya və ətraf ərazilərə turistlərin gəlişi nəzərdə tutulub. İlk olaraq Naftalandan, daha sonra isə digər ərazilərdən buraya turlar təşkil olunacaq. İlk olaraq yerli əhalinin səfəri nəzərdə tutulub".