Hadisə yerinə xilasetmə qüvvələri cəlb olunub
Fövqəladə Hallar Nazirliyinin (FHN) 112 “qaynar xətt”inə daxil olan məlumata əsasən, Sumqayıt şəhərində 1 nəfər bağlı qapı arxasında köməksiz vəziyyətdə qalıb.
FHN-in mətbuat xidmətindən AYNA-ya verilən məlumata görə, hadisə yerinə Sumqayıt Regional Mərkəzinin xilasetmə qüvvələri cəlb olunub. Xilasedicilər mənzilin giriş qapısını açaraq içəri daxil olublar.
Bu zaman içəridə, 1961-ci il təvəllüdlü Qasımov Vəkil Qədim oğlunun meyiti aşkarlanıb. Onun meyiti aidiyyəti üzrə təhvil verilib.