Kamal İdris Nazirlər Kabinetinin buraxılması barədə qərar barədə hökuməti məlumatlandırıb
Sudanın Baş naziri Kamal İdris müvəqqəti hökuməti buraxıb. AYNA.AZ xəbər verir ki, bu barədə Sudanın SUNA dövlət xəbər agentliyi məlumat yayıb.
"Müvəqqəti Baş nazir Kamal İdris Nazirlər Kabinetinin buraxılması barədə qərar barədə hökuməti məlumatlandırıb və baş katiblərə və nazir müavinlərinə yeni hökumət formalaşana qədər müvəqqəti fəaliyyət göstərmələri barədə göstəriş verib", - məlumatda qeyd olunub.
Qeyd edək ki, mayın 20-də Sudan Silahlı Qüvvələri paytaxt Xartum vilayətini üsyançılardan tamamilə azad etdiklərini elan edib.
2023-cü ilin aprelindən bəri Sudanda ordu ilə Məhəmməd Həmdan Daqlonun komandanlıq etdiyi Çevik Müdaxilə Qüvvələri arasında qarşıdurmalar davam edir. Beynəlxalq Qızıl Xaç Komitəsi xəbərdarlıq edib ki, uzun sürən münaqişə xəstəliyin yayılmasına və ölkənin səhiyyə sistemində tam sabitliyin pozulmasına səbəb ola bilər.