Rusiyalı aktyor və kinorejissora insult diaqnozu qoyulub
Rusiyalı aktyor və kinorejissor Vasili Livanov insult diaqnozu ilə xəstəxanaya yerləşdirilib. AYNA xəbər verir ki, bu barədə Rusiyanın “Telegram” kanalları məlumat yayıb.
Bildirilir ki, onun vəziyyəti sentyabrın 29-da pisləşib və aktyorun yaxınları təcili yardım çağırıblar. Livanov N.V.Sklifosovski adına Elmi-Tədqiqat İnstitutuna aparılıb.
Onun vəziyyəti ilə bağlı əlavə məlumat verilməyib.
Livanov Artur Konan Doylun kitabları əsasında çəkilmiş “Şerlok Holms və Doktor Vatsonun sərgüzəştləri” filmlər silsiləsində Şerlok Holms rolu ilə tanınır.