Məcid Xademi İsrailin zərbələri nəticəsində öldürülən Məhəmməd Kazemini əvəzləyib
İran mediası İslam İnqilabı Keşikçiləri Korpusunun (SEPAH) yeni kəşfiyyat rəhbərinin adını açıqlayıb. AYNA.AZ xəbər verir ki, Məcid Xademi SEPAH-ın yeni kəşfiyyat rəhbəri vəzifəsində İsrailin zərbələri nəticəsində öldürülən Məhəmməd Kazemini əvəzləyib.
İran mətbuatının məlumatına görə, general Məcid Xademi SEPAH komandirinin əmri ilə kəşfiyyat rəhbəri təyin edilib.
Bundan əvvəl İranın İsraildən təzminat tələb etdiyi bildirilmişdi.
Bir neçə gün əvvəl İran hakimiyyəti SEPAH-ın kəşfiyyat rəhbəri Məhəmməd Kazemi və onun müavininin İsrailin zərbələri nəticəsində öldüyünü rəsmən təsdiqləyib.