Rusiyanın müvafiq strukturları çoxdan Abramyana qarşı millətlərarası nifrətin qızışdırılması epizodları üzrə cinayət işi qaldıra bilərdilər
44 günlük Vətən müharibəsi zamanı Ermənistana qanunsuz silah tədarük etmək ittihamı ilə Azərbaycan Baş Prokurorluğu tərəfindən beynəlxalq axtarışa verilmiş Rusiya Erməniləri Birliyi (SAR) lideri Ara Abramyan Rusiyada təxribatçı fəaliyyətini davam etdirir.
SAR bir daha Rusiya qanunvericiliyini pozaraq Ara Abramyanın təşkilatın rəsmi internet saytında Qarabağ separatçılarına “kvazi-dövlətlərinin yaradılmasının 30 illiyi" münasibətilə müraciətini yerləşdirdi.
Bu müraciətdə etnik düşmənçiliyin qızışdırılmasına və Rusiya-Azərbaycan və Rusiya-Türkiyə əlaqələrinə xələl gətirməyə çağırışlar var. Müraciətdə separatçıların "Azərbaycan-Türkiyə təcavüzünü və daxili xainləri dəf edəcəkləri" ümidi belə ifadə olunur.
Abramyan həmçinin Qarabağ torpaqlarının "vahid Ermənistan dövlətinə qaytarılacağına" inamını ifadə edir. "İşimiz haqq işidir, yəni qələbə bizim olacaq!", - bu sözlərlə SAR rəhbəri müraciətini yekunlaşdırır.
İstəsəydilər Rusiyanın müvafiq strukturları çoxdan Ara Abramyana qarşı millətlərarası nifrətin qızışdırılması epizodları üzrə cinayət işi qaldıra bilərdilər.
Eyni zamanda, Abramyanın özü də daxil olmaqla, SAR-ın rəsmi nümayəndələri dəfələrlə Dağlıq Qarabağ münaqişəsinin Rusiya ərazisinə keçirilməsinin yolverilməz olduğunu bəyan edərək, yerli azərbaycanlıları 44 günlük müharibənin sonunda Azərbaycan bayraqları ilə avto-yürüşlər təşkil etməkdə ittiham ediblər.
İndi, ilk dəfə deyil ki, SAR-ın ikiüzlülüyünə və təxribatçı fəaliyyətinə yenidən əmin oluruq.
Rusiyadakı erməni diasporası nəinki Qarabağ separatçılarına dəstəyini açıq şəkildə bəyan edir, Azərbaycan hakimiyyətindən 2020-ci il noyabrın sonunda işğaldan azad edilmiş torpaqlarda saxlanılan erməni terrorçularını buraxılmasını tələb edir, həm də münaqişəni Rusiya ərazisinə köçürməyə çalışır. Rusiyadakı müvafiq strukturların hərəkətsizliyi SAR-ın təxribatçı fəaliyyətinə təkan vermir, həm də təxribatçılara cəzasızlıqlarına inam aşılayır.
Bundan əlavə, SAR rəhbəri Rusiya Prezidenti yanında Millətlərarası Münasibətlər Şurasının üzvüdür. Maraqlıdır, bu status separatizmi açıq şəkildə dəstəkləyən və Rusiya kimi çoxmillətli bir dövlətdə etnik nifrəti qızışdıran Abramyanın təxribatçı fəaliyyətləri ilə nə dərəcədə uyğun gəlir?
Açıq şəkildə Abramyanı dəstəkləyən qüvvələr bu dağıdıcı mövqenin Rusiyanın milli dövlət siyasəti üçün real təhlükə yaratdığını və Azərbaycanla mehriban qonşuluq münasibətlərinə kölgə saldığını anlamırlarmı?
Təəssüf ki, Rusiya ermənilərinin Azərbaycanla açıq qarşıdurması Azərbaycan əsilli Rusiya vətəndaşlarının etnik ədavəti qızışdırdığına görə SAR-ı cinayət məsuliyyətinə cəlb etmək hüququna malik olduqları halda, Rusiyadakı Azərbaycan diasporasının tamamilə susqunluğu ilə müşayiət edilir. Ancaq görünür, Azərbaycan diasporası bunu vacib hesab etmir. Nəzərə alsaq ki, iri federal diaspor təşkilatının – FNKA “Azerros”un başında talış separatçısı Xanoğlan Əliyev dayanır, hadisələrin nə səbəbə bu məcrada getməsini başa düşmək olar.