Tərəflər Gümrü-Qars dəmir yolunun tezliklə istifadəyə verilməsinin vacibliyini vurğulayıblar
Ermənistan-Türkiyə münasibətlərinin normallaşdırılması çərçivəsində əldə edilən razılaşmalara uyğun olaraq, aprelin 28-də Qarsda Gümrü-Qars dəmir yolunun bərpası və istismarı üzrə Ermənistan-Türkiyə birgə işçi qrupunun iclası keçirilib.
AYNA.AZ erməni mediasına istinadən bildirir ki, bu barədə Ermənistan Xarici İşlər Nazirliyi məlumat yayıb.
Məlumata görə, tərəflər regionda nəqliyyat infrastrukturunun genişləndirilməsi kontekstində Gümrü-Qars dəmir yolunun tezliklə istifadəyə verilməsinin vacibliyini vurğulayıblar.