Sənəd İttifaq Dövlətinin Ali Dövlət Şurasının Minskdə keçirilən iclasının yekunları üzrə imzalanıb
Rusiya Prezidenti Vladimir Putin və Belarus Prezidenti Aleksandr Lukaşenko İttifaq dövləti çərçivəsində təhlükəsizlik zəmanətləri haqqında müqavilə imzalayıblar.
Sənəd İttifaq Dövlətinin Ali Dövlət Şurasının Minskdə keçirilən iclasının yekunları üzrə imzalanıb.
Bundan əvvəl Putin bildirib ki, saziş “müdafiəni təmin etmək, Rusiya və Belarusun suverenliyini, müstəqilliyini və konstitusiya quruluşunu, İttifaq dövlətinin ərazisinin və xarici sərhədinin bütövlüyünü və toxunulmazlığını qorumaq, bütün mövcud qüvvələrdən istifadə etməklə və xarici sərhədləri qorumaq üçün qarşılıqlı müttəfiqlik öhdəliklərini müəyyən edir”.
Rusiya liderinin sözlərinə görə, söhbət həm də Rusiyanın taktiki nüvə silahlarından gedir.
Görüşdən sonra Lukaşenko həmçinin Putindən Belarus ərazisində “Oreşnik” raket sistemini yerləşdirməyi xahiş edib. Rusiya prezidenti cavab verib ki, bu, 2025-ci ilin ikinci yarısında mümkün olacaq.
"Bu vaxta qədər, ilkin hesablamalarımıza görə, biz onların seriyalı istehsalını quracağıq", - Putin bildirib.
Putin deyib ki, “Oreşnik” sistemləri Rusiya Strateji Raket Qüvvələri kompleksinin bir hissəsi olacaq, lakin hədəflərin müəyyən edilməsi “Belarus Respublikasının hərbi-siyasi rəhbərliyinin səlahiyyətində qalacaq”.