Piyadanı vuran sürücü hadisə yerindən qaçıb

Faktla bağlı araşdırma aparılır

Zaqatalada avtomobil qadın piyadanı vuraraq öldürüb, sürücü isə hadisə yerindən qaçıb.

AYNA xəbər verir ki, hadisə axşam saat 21:40 radələrində rayon mərkəzində qeydə alınıb.

Belə ki, nəməlum minik avtomobili yolu keçmək istəyən qadını vurub. Ağır xəsarətlər alan qadın hadisə yerində keçinib.

Dünyasını dəyişən qadının kimliyi dəqiqləşdirilir. Hadisəni törədib qaçan sürücü isə axtarılır.

Faktla bağlı araşdırma aparılır.