Nazirlik dələduzluq faktları ilə bağlı əhaliyə müraciət edib

Xəbərlər

27.03.2023 - 12:54

“Saxta profillər işlədənlərə inanmamağı tövsiyə edirik”

Daxili İşlər Nazirliyi (DİN) dələduzluq faktları ilə bağlı müraciət edib.

AYNA-nın xəbərinə görə, müraciətdə deyilir:

“Ramazan birlik, bərabərlik, xeyirxahlıq və şəfqət ayıdır. Çox təəssüf ki, sosial şəbəkələrdə özlərini köməyə ehtiyacı olan və ya xəstə kimi təqdim edib bu müqəddəs günlərdə insanların xeyirxahlığından, yardımsevərliyindən yararlanmaq istəyən dələduzlara rast gəlinir. Onlar bu məqsədlə saxta profillər yaradaraq öz çirkin niyyətlərini həyata keçirmək istəyirlər”.

“Vətəndaşlarımızdan yalnız tanıdıqları və həqiqətən də ehtiyacı olan şəxslərə yardım etmələrini, saxta profillər işlədənlərə inanmamağı tövsiyə edirik”, - deyə müraciətdə vurğulanıb.

Müəllif: Ayna.az