Ləğv edilən idarə və şöbənin vəzifələri DİN-in müvafiq idarə və baş idarələrinə həvalə olunub
Azərbaycanın daxili işlər orqanlarında struktur dəyişikliyi olub. AYNA xəbər verir ki, bu barədə Daxili İşlər naziri, general-polkovnik Vilayət Eyvazov əmr imzalayıb.
Əmrə əsasən, Bakı Şəhər Baş Polis İdarəsinin (BŞBPİ) Narkotiklərlə Mübarizə İdarəsi və Daxili Təhqiqatlar Şöbəsi ləğv edilib.
Ləğv edilən idarə və şöbənin vəzifələri Daxili İşlər Nazirliyinin (DİN) müvafiq idarə və baş idarələrinə həvalə olunub.
DİN-in Mətbuat xidməti faktı təsdiqləyib.