İlham Salmanovun hazırda həyatı üçün təhlükə yoxdur
İyunun 26-sı saat 20 radələrində Füzulinin işğaldan azad edilmiş Aşağı Seyidəhmədli kəndi ərazisində xidmətdə olarkən piyada əleyhinə minaya düşməsi nəticəsində xəsarət alan polis serjantı İlham Salmanovun ayaq nahiyəsi topuqdan aşağı amputasiya olunub.
AYNA xəbər verir ki, bu barədə Daxili İşlər Nazirliyinin (DİN) rəsmi nümayəndəsi Elşad Hacıyev bildirib.
Qeyd edib ki, Füzuli Rayon Polis Şöbəsinin əməkdaşı, polis serjantı 1989-cu il təvəllüdlü İlham Salmanovun hazırda həyatı üçün təhlükə yoxdur.
Faktla bağlı araşdırma aparılır.
Qeyd edək ki, iyunun 26-da saat 21 radələrində Füzuli Rayon Polis Şöbəsinin əməkdaşı, polis serjantı 1989-cu il təvəllüdlü İlham Salmanov Füzuli rayonun işğaldan azad edilmiş Aşağı Seyidəhmədli kəndi ərazisində piyada əleyhinə minaya düşməsi nəticəsində müxtəlif dərəcəli bədən xəsarətləri almışdı.