Bura Azərbaycanın ən füsünkar bölgələrindən biridir
Sakit və hüzurlu payız gəzintisi üçün əvəzedilməz məkan. Bura Tovuz rayonunun “Əsirik dərəsi” adlanan bölgəsidir - Azərbaycanın ən gözəl və füsünkar təbiətə malik bölgələrindən biri.
Əsirik çayı boyu kilometrlərlə uzanan meşələrlə örtülü dağ yamacları, hər addımda qaynayan buz bulaqları, təmiz havasıyla məşhur bölgə yerli və xarici turistlərin ən çox üz tutduqları istirahət zonasıdır.
Yay aylarında izdiham yaşanan, səsli-küylü olan, yaşıllıqlarla bol dilbər guşənin payız gözəllikləri bir ayrı rənglərlə daha füsunkar görünür. Sakit və hüzurlu istirahət axtaranlar üçün Əsirik dərəsində payız gəzintisi əvəzedilməz məkandır.
