Baş Nazir Əli Əsədov qərar imzalayıb
Nazirlər Kabineti ümumi təhsil müəssisələrində psixoloq ştatının sayının müəyyən edilməsi haqqında qərar verib.
AYNA xəbər verir ki, bununla bağlı qərarı Baş Nazir Əli Əsədov imzalayıb.
Qərarla dövlət və bələdiyyə ümumi təhsil müəssisələrində psixoloq ştatının sayı aşağıdakı kimi müəyyən edilib:
- şagird sayı 1 000-dək olduqda, 1 vahid;
- şagird sayı 1 000-dən 3 000-dək olduqda, 2 vahid;
- şagird sayı 3 000-dən çox olduqda, 3 vahid.
Qeyd olunub ki, özəl ümumi təhsil müəssisəsində psixoloq ştatının sayı həmin təhsil müəssisəsinin ali idarəetmə orqanı tərəfindən müəyyən olunur.