“Güclü zəlzələnin nəticələri barədə xəbərləri dərin kədər hissi ilə qarşıladım”
Azərbaycanın Birinci vitse-prezidenti Mehriban Əliyeva Türkiyədəki dəhşətli zəlzələ ilə bağlı qardaş ölkəyə başsağlığı verib.
AYNA xəbər verir ki, Birinci-vitse-prezident “İnstagram” səhifəsində yazıb:
“Türkiyənin cənub-şərqində baş vermiş güclü zəlzələnin nəticələri barədə xəbərləri dərin kədər hissi ilə qarşıladım. Allah faciə zamanı həlak olanlara rəhmət eləsin! Onların doğmalarına və yaxınlarına dərin hüznlə başsağlığı verirəm. Yaralananların və xəsarət alanların tezliklə şəfa tapmasını arzulayıram. Türkiyə xalqının kədəri bizim kədərimizdir. Uca Tanrıdan bütün Türkiyə xalqına güc və səbir diləyirəm!”.