“Bu şəxslərin Latviyaya girişinə qeyri-müəyyən müddətə qadağa qoyulub"
Latviya daha 55 Gürcüstan vətəndaşının ölkəyə girişini qeyri-müəyyən müddətə qadağan etmək qərarına gəlib. AYNA.AZ xəbər verir ki, bu barədə Gürcüstan mediası Latviyanın xarici işlər naziri Bayba Brajenin sosial şəbəkədəki paylaşımına istinadən məlumat yayıb.
"Mən İmmiqrasiya Qanununun 61-ci maddəsinin 2-ci hissəsinə uyğun olaraq, daha 55 Gürcüstan vətəndaşını Latviya Respublikasında qalması “arzuolunmaz şəxslər” siyahısına daxil etmək qərarına gəldim. Bu şəxslərin Latviyaya girişinə qeyri-müəyyən müddətə qadağa qoyulub", - nazir yazıb.
Bundan əvvəl Gürcüstanın xarici işlər naziri Maka Boçorişvili bildirib ki, Gürcüstana münasibətdə ikili standartlar Baltikyanı ölkələr üçün milli maraq məsələsinə çevrilib. 2024-cü ilin dekabrında Estoniya Baş nazir də daxil olmaqla 25 Gürcüstan hökumət rəsmisinə qarşı sanksiya tətbiq edib. Litva isə Gürcüstan hökumətinin başçısına və Gürcüstanın 28 dövlət məmuruna qarşı sanksiya tətbiq edib. Latviya isə Daxili İşlər Nazirliyinin rəsmilərinə və hakim “Gürcü Arzusu – Demokratik Gürcüstan” Partiyasının fəxri sədri Bidzina İvanişviliyə sanksiya tətbiq edib.