Təlim ərazi, xəritə və ərazinin maketi üzərində icra olunur
Quru Qoşunlarının 2021-ci ilin hazırlıq planına uyğun olaraq, oktyabrın 19-dan Laçında komanda-qərargah təlimi başlayıb.
Müdafiə Nazirliyinin Mətbuat Xidmətindən AYNA-ya bildirilib ki, təlim kommunikasiya vasitələrinin geniş tətbiqi ilə ərazi, xəritə və ərazinin maketi üzərində icra olunur.
Komanda-qərargah təlimində müasir idarəetmə üsullarının icrası ilə Quru Qoşunlarının digər qoşun növləri ilə qarşılıqlı əlaqədə fəaliyyəti yoxlanılır.