"Prezident bunu zəruri hesab edən kimi biz bunu elan edəcəyik"
Rusiya Prezidentinin mətbuat katibi Dmitri Peskov bildirib ki, Rusiya mayın 15-də İstanbulda keçirilməsi planlaşdırılan danışıqlara hazırlaşır. AYNA.AZ TASS-a istinadən bildirir ki, Peskovun sözlərinə görə, "Prezident bunu zəruri hesab edən kimi biz bunu elan edəcəyik".
“Rusiya tərəfi cümə axşamı baş tutması planlaşdırılan danışıqlara hazırlaşmağa davam edir”, - Peskov bildirib.
Bundan əvvəl ABŞ Prezidentinin xüsusi nümayəndəsi Stiv Vitkoff Moskvanın münaqişənin diplomatik yolla həllində maraqlı olduğunu bildirib və tərəflər arasında birbaşa danışıqların vacibliyini vurğulayıb.
Qeyd edək ki, mayın 11-nə keçən gecə Putin Kiyevə birbaşa danışıqları bərpa etməyi təklif edib. O qeyd edib ki, Moskva mayın 15-də ilkin şərt olmadan təmaslara başlamağa hazırdır.