Uçuşların qadağan edilməsi sərnişinlərin təhlükəsizliyi ilə əlaqədar olub
Azərbaycan lokal xarakterli antiterror tədbirlərindən sonra İranın Mülki Aviasiya Təşkilatı ölkəmizə və Ermənistana aviareysləri bərpa edib.
AYNA İSNA-ya istinadla xəbər verir ki, Mülki Aviasiya Təşkilatının sözçüsü Cəfər Yazerlu aviareyslərin ötən gecədən bərpa olunduğunu bildirib.
Yazerlu əlavə edib ki, uçuşların qadağan edilməsi sərnişinlərin təhlükəsizliyi ilə əlaqədar olub.
Onun sözlərinə görə, ötən gün ləğv olunmuş aviareyslərin sərnişlərinin hüquqları təmin olunub.