DİN-dən ictimai yerlərdə aşkarlanan koronavirus xəstələri ilə bağlı məlumat yayıb
Daxili işlər orqanlarının əməkdaşları tərəfindən yanvarın 1-də respublika ərazisində doqquz nəfər aktiv koronavirus xəstəsi ictimai yerlərdə aşkar edilərək saxlanılıb.
Daxili İşlər Nazirliyindən (DİN) AYNA-ya bildirilib ki, onlardan səkkizi yaşadıqları evə, sağlamlıq vəziyyəti daha ağır olan bir nəfər isə xəstəxanaya yerləşdirilib.
Dörd nəfər barəsində Cinayət Məcəlləsinin 139-1.1-ci (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Hazırda istintaq araşdırmaları davam etdirilir.