İnkubasiya dövrü başa çatana qədər xəstəxanada saxlanılacaqlar
Kıiniki Tibbi Mərkəzin yoluxucu xəstəliklər şöbəsinə 2 nəfər yerləşdirilib. Bu barədə AYNA-ya Səhiyyə Nazirliyindən məlumat verilib.
Məlumatda bildirilir ki, onlardan biri 1996-cı il təvəllüdlü Çin vətəndaşıdır: "Sonuncu dəfə 19 yanvar tarixində Çində olub. Analizlərinin cavabı mənfidir, yəni hər hansı bir virus aşkarlanmayıb. Heç bir şikayəti yoxdur. Fevral ayının 4-ü evə buraxılacaq".
"İkinci xəstə isə 1994-cü il təvəllüdlü Azərbaycan vətəndaşıdır. Çində təhsil alır. Bakıya yanvarın 28-də gəlib. Heç bir şikayəti yoxdur, amma buna baxmayaraq, inkubasiya dövrü başa çatana qədər xəstəxanada saxlanılacaq", - deyə qeyd olunub.