Seçkilər bu dəfə qarışıq sistemdə keçiriləcək
Gürcüstan Parlamentinə və Acarıstan Muxtar Respublikasının Ali Şurasına seçkilər oktyabrın 31-də keçiriləcək. AYNA xarici mediaya istinadən bildirir ki, bu barədə Gürcüstan Prezidenti Salome Zurabişvili fərman imzalayıb.
“Bu seçkilər bizim üçün xüsusi əhəmiyyət daşıyır və demokratiyamızı bir daha təsdiqləməlidir”, - deyə Zurabişvili qeyd edib.
Qeyd edək ki, Gürcüstanda parlament seçkiləri bu dəfə qarışıq sistemdə keçiriləcək. Proporsional sistemə görə 120, majoritar sistemə görə 30 deputat seçiləcək.