Əməliyyat xərcləri 115 milyon avro artırılacaq
Finlandiya Müdafiə Nazirliyinin 2025-ci il üçün büdcəsi təxminən 6,5 milyard avroya çatacaq, ilk dəfə olaraq ölkənin NATO-ya üzvlüyü üçün 67 milyon avro ayrılacaq.
AYNA xəbər verir ki, bu, parlamentə təqdim olunan büdcə layihəsində göstərilib.
Qeyd olunub ki, Finlandiya Müdafiə Nazirliyinin 2025-ci il üçün büdcəsi hazırkı büdcədən 488 milyon avro çoxdur.
Faktiki 2024-cü il büdcəsi ilə müqayisədə əməliyyat xərcləri 115 milyon avro artırılacaq. Şəxsi heyətin sayının təxminən 140 nəfər artacağı gözlənilir.
NATO-ya üzvlüklə bağlı yeni resurs tələblərini ödəmək üçün əlavə 67 milyon avro ayrılacaq. Hesabatda bunlara Finlandiyada yaradılacaq yerüstü komandanlıq qərargahı və Finlandiyada Quru Qüvvələrinin genişləndirilməsi daxildir.