Əməkdar jurnalist Yasamal qəbiristanlığında torpağa tapşırılıb
Dünən 84 yaşında vəfat edən Əməkdar jurnalist Mais Məmmədov Yasamal qəbiristanlığında dəfn olunub. AYNA xəbər verir ki, dəfn mərasimində jurnalistlər, ictimai-siyasi xadimlər və digər şəxslər iştirak ediblər.
Dəfn mərasiminə Azərbaycan Prezidenti İlham Əliyev və birinci xanım Mehriban Əliyeva adından əklil göndərilib.
Qeyd edək ki, M.Məmmədov 12 iyul 1938-ci ildə Bakıda doğulub. 1998-ci ildən 2016-cı ilədək ANS Müstəqil Yayım və Media Şirkətində rəhbər vəzifələrdə - ictimai əlaqələr üzrə baş müşavir, prezidentin müşaviri kimi çalışıb.