Yeni səfir ölkənin müdafiə nazirinin keçmiş müavini Daniel Kostoval olacaq
Çexiya Rusiyaya yeni səfir təyin edib və o, 2025-ci ilin ilk aylarında Moskvaya gələcək. AYNA xəbər verir ki, bu barədə çex mediası yazıb.
Yeni səfir ölkənin müdafiə nazirinin keçmiş müavini Daniel Kostoval olacaq. O, artıq aqremanı - diplomatik praktikada zəruri olan Moskvanın onun təyin olunmasına rəsmi razılığını alıb.
Ukraynada genişmiqyaslı müharibə başlayandan sonra Çexiya öz səfirini məsləhətləşmələr üçün geri çağırıb və o vaxtdan Moskvadakı diplomatik missiyaya müvəqqəti işlər vəkili, aşağı səviyyəli diplomat rəhbərlik edir.
Çexiyanın xarici işlər naziri Yan Lipavski səfirin Rusiyaya qayıtmasını Çexiyanın ən böyük müttəfiqlərinin - Böyük Britaniya, ABŞ, Fransa və Almaniyanın Moskvada səfirlərinin olması ilə izah edib.
Çexiyanın Rusiyadakı əvvəlki səfiri Vitezslav Pivonka olub. O 2024-cü ilin may ayının sonunda vəzifədən çıxarılıb.