Hökumətin bütün üzvləri Baş nazirə istefa vermək niyyətlərini bildiriblər
Cənubi Koreya Nazirlər Kabinetinin bütün üzvləri altı saatdan az davam edən hərbi vəziyyətin tətbiqindən və ləğvindən sonra Baş nazirə istefa vermək niyyətlərini bildiriblər. AYNA xəbər verir ki, bu barədə “Çosun İlbo” qəzeti məlumat yayıb.
Baş nazirin ofisi təsdiqləyib ki, "kabinetin tam üzvləri" istefa vermək istəyini ifadə ediblər. Lakin qərar yerli vaxtla saat 14:00-da keçiriləcək iclasdan sonra veriləcək.
Prezident yanındakı “Vətəndaş Gücü” Partiyasının rəhbərliyi və Prezidentin köməkçiləri hərbi vəziyyətlə bağlı vəziyyəti müzakirə etmək üçün görüş keçirməyi planlaşdırır.