Xəsarət alanlar rayon xəstəxanasına çatdırılıblar
Biləsuvar rayonunda iki nəfərin xəsarət alması ilə nəticələnən yol-nəqliyyat hadisə baş verib.
AYNA-nın APA-ya istinadən verdiyi xəbərə görə, qəza hadisəsi rayonun Əsgərabad kəndində qeydə alınıb. "Jiquli" markalı minik avtomobili "KamAZ" markalı yük avtomobilinə çırpılıb. Nəticədə iki nəfər, minik avtomobilinin sürücüsü, 1989-cu il təvəllüdlü Mirsəid Cəfərov və sərnişini, 2017-ci il təvəllüdlü Yusif Mustafayev xəsarət alıb. Xəsarət alanlar rayon xəstəxanasına çatdırılıblar.
Faktla bağlı araşdırma aparılır.