Bakıda itkin düşən məktəbli tapılıb

14 yaşlı oğlan ailəsinə təhvil verilib

Bakıda itkin düşən 14 yaşlı oğlan tapılıb. AYNA xəbər verir ki, bu barədə Daxili İşlər Nazirliyinin (DİN) Mətbuat Xidmətindən bildirilib.

Qeyd olunub ki, polisin keçirdiyi müvafiq tədbirlər nəticəsində məktəbli tapılaraq ailəsinə təhvil verilib.

Xatırladaq ki, Belə ki, 1986-cı il təvəllüdlü Olqa Əliyeva 2010-cu il təvəllüdlü oğlu Ömər Əliyevin itkin düşməsi ilə bağlı polisə müraciət edib. Onun dünən məktəbdən çıxdıqdan sonra itkin düşdüyü bildirilirdi.