Bakı–Balakən dəmir yolu marşrutu üzrə yeni dayanacaqlar təyin edilib

Bu gündən etibarən qatarlar artıq Ucar və Ləki stansiyalarında da dayanır

Bakı–Balakən–Bakı marşrutu üzrə gecə qatarlarına yeni dayanacaqlar təyin edilib. AYNA.AZ xəbər verir ki, bu barədə “Azərbaycan Dəmir Yolları” QSC-dən bildirilib.

Qeyd olunub ki, aprelin 1-dən etibarən qatarlar artıq Ucar və Ləki stansiyalarında da dayanır.

Bu yenilik daha çox sərnişinin gecə qatarından rahat və əlçatan şəkildə istifadə etməsinə imkan yaradır.