Son 24 saatda koronavirusla bağlı daha 6 min 557 nəfər test edilib
Azərbaycanda dünən koronavirusla bağlı daha 6 min 557 nəfər test edilib. “Tibbi Ərazi Bölmələrini İdarərtmə Birliyi”ndən (TƏBİB) AYNA-ya verilən məlumata görə, indiyədək ölkədə 868 min 345 nəfər koronavirusa qarşı test edilib.
Ölkədə dünən 184 yeni yoluxma, 3 ölüm qeydə alınıb.
Qeyd edək ki, indiyədək ölkəmizdə 35 min 105 nəfər virusa yoluxub, 515 nəfər ölüb, 32 min 842 nəfər isə sağalıb. Son sutka ərzində 160 nəfərin müalicəsi başa çatdığı üçün evə buraxılıb. Hazırda müalicəsi davam edən xəstələrin sayı 1 748 nəfərdir. Məlumata görə, hazırda reanimasiyada 179 nəfər müalicə alır, 24 nəfər isə süni tənəffüs cihazına qoşulub.