Fiziki şəxs olan sığorta agentlərinə verilmiş lisenziyaların qüvvəsi 3 ay müddətinə dayandırılıb
Azərbaycan Mərkəzi Bankı (AMB) 33 fiziki şəxsə sığorta agenti fəaliyyətinə verdiyi lisenziyanın qüvvəsini 3 ay müddətinə dayandırıb. Bu barədə AYNA-ya AMB-dan bildirilib.
Qeyd edilib ki, “Sığorta fəaliyyəti haqqında” Azərbaycan Respublikası Qanununun 106.1.10-cu maddəsinə əsasən müvafiq hesabatın təqdim edilməməsi ilə əlaqədar Azərbaycan Mərkəzi Bankının 2022-ci il 12 aprel tarixli qərarı ilə siyahıda adları qeyd edilən fiziki şəxs olan sığorta agentlərinə verilmiş lisenziyaların qüvvəsi 3 ay müddətinə dayandırılıb.