Apellyasiya şikayəti üzrə məhkəmə prosesi keçirilib
Siyasi Menecment İnstitutunun rəhbəri, politoloq Azər Qasımlının barəsində həbs-qətimkan tədbirinin seçilməsi barədə qərardan verilən apellyasiya şikayəti üzrə məhkəmə prosesi keçirilib.
AYNA xəbər verir ki, bu gün Bakı Apellyasiya Məhkəməsində keçirilən prosesdə qərar qəbul olunub. Məhkəmə şikayəti təmin etməyib, birinci instansiya məhkəməsinin qərarını qüvvədə saxlayıb.
Qeyd edək ki, Azər Qasımlı barəsində olan müraciətlə əlaqədar dekabrın 8-də polis tərəfindən saxlanılıb. O, Cinayət Məcəlləsinin 182.2.3 (Hədə-qorxu ilə tələb etmə, zor tətbiq etmə ilə törədildikdə) maddəsi üzrə təqsirli bilinir. Yasamal Rayon Məhkəməsində onun barəsində 4 aylıq həbs qətimkan tədbiri seçilib.