Ukrayna Prezident Administrasiyası rəhbərinin ofisinin keçmiş rəhbəri girov müqabilində azadlığa buraxılıb
Ukrayna Prezident Administrasiyası rəhbərinin ofisinin keçmiş rəhbəri Andrey Yermak girov müqabilində azadlığa buraxılıb. AYNA.AZ xəbər verir ki, bu barədə Ukraynanın "Strana" onlayn nəşri məlumat yayıb.
O dörd gecə həbsdə qalıb. Yermak mətbuatın suallarını cavablandırmaqdan çəkinib. Lakin o jurnalistlərə ödənişli kamerada saxlanıldığını təsdiqləyib.
Xatırladaq ki, əvvəllər Ukrayna rəhbərinin ofisinin keçmiş rəhbəri üçün 140 milyon qrivna (təxminən 3,1 milyon dollar) məbləğində tam girov müqabilində pul qoyulduğu bildirilirdi. Ukraynanın Xüsusi Korrupsiyaya Qarşı Mübarizə Prokurorluğunun (SAPO) məlumatına görə, o Kiyev yaxınlığında dəbdəbəli mənzil tikintisi zamanı çirkli pulların yuyulmasında ittiham olunur.
Daha əvvəl Zelenskinin keçmiş mətbuat katibi Yuliya Mendel Yermakın girov müqabilində pul qoyulması xəbərini şərh edərkən bildirib ki, bazar ertəsi Yermak üçün “yaxşı başlayıb”.