Konoko neft-qaz yatağı yaxınlığında yerləşən ABŞ bazası raket atəşinə tutulub
Suriyanın Deyr əz-Zor əyalətində Konoko neft-qaz yatağı yaxınlığında yerləşən ABŞ bazası raket atəşinə tutulub. AYNA xəbər verir ki, bu barədə “Al Mayadeen” telekanalı mənbələrə istinadən məlumat yayıb.
Mənbələr bazar ertəsi gecə yarısı Suriyanın şərqindəki Deyr əz-Zorun şimalında, Konoko bazasında Amerika hərbçilərinin raket atəşinə tutulduğunu vurğulayıblar.
Qeyd olunur ki, zərbəyə cavab olaraq Amerika hərbçiləri Havicə Sukr və Əl-Cufra kəndlərini artilleriyadan atəşə tutmağa başlayıblar.