Nazirlik: "Minalar Azərbaycan vətəndaşlarını öldürməyə və şikəst etməyə davam edir"
Aprelin 18-də Tərtər rayonunda baş verən mina partlayışı nəticəsində mülki vətəndaş xəsarət alıb və nəticədə müharibə bitdikdən sonra mina qurbanlarının sayı 291 nəfərə çatıb.
AYNA xəbər verir ki, bu barədə Azərbaycan Xarici İşlər Nazirliyi tviterdə paylaşım edib.
Bildirilib ki, Ermənistanın basdırdığı minalar Azərbaycan vətəndaşlarını öldürməyə və şikəst etməyə davam edir. Ermənistan hələ də dəqiq mina xəritələrini verməkdən imtina edir.