Yekun qərar iyunun 23-24-də keçiriləcək sammitdə verilməlidir
Bu gün Ukraynaya Avropa İttifaqına (Aİ) namizəd statusunun verilməsi ilə bağlı müzakirələr başlayır. AYNA xəbər verir ki, Brüsseldə başlayacaq müzakirələr debat şəklində aparılacaq. Bununla yanaşı Aİ-yə daxil olmağı ümid edən Moldova və Gürcüstanın da məsələsi müzakirə oluncaq. Cümə gününə qədər davam edəcək müzakirələrdən sonra iyunun 17-də Avropa Komissiyası öz tövsiyələri ilə bağlı qərar verəcək.
Namizədlərin statusu ilə bağlı yekun qərar Aİ dövlət başçılarının iyunun 23-24-də keçiriləcək sammitində verilməlidir.
Ekspertlər qeyd edirlər ki, Avropa komissarları Kiyevə yaşıl işıq yandıra bilər.