Səfirliyin inzibati binasında dövlət bayrağı endirilib
Zəlzələ zamanı çox sayda insan ölümü ilə əlaqədar olaraq Türkiyənin Azərbaycandakı səfirliyində matəm kitabı açılıb.
AYNA xəbər verir ki, Türkiyənin Azərbaycandakı səfirliyinin inzibati binasında dövlət bayrağı endirilib.
Bakı sakinləri səfirlik önünə gül dəstələri düzərək qardaş ölkədə baş vermiş zəlzələ zamanı həlak olanların xatirəsini ehtiramla yad edirlər.
Qeyd edək ki, fevralın 6-da Türkiyədə baş vermiş dağıdıcı zəlzələ nəticəsində indiyə olan məlumata görə, 8 574 nəfər həlak olub, 49 133 nəfər xəsarət alıb, 6 444 bina dağılıb.