Moskvada keçirilən Rusiya - İran siyasi forumunda həmrəylik bəyanatı səsləndirilib
Rusiyalı diplomat Zamir Kabulov, ABŞ-ın İrana hücum edəcəyi təqdirdə, Moskvanın Tehranı tək qoymayacağını deyib. AYNA xəbər verir ki, Rusiya Xarici İşlər Nazirliyinin Asiya ölkələri üzrə xüsusi nümayəndəsi Zamir Kabulov, Moskvada keçirilən Rusiya – İran siyasi forumunda ABŞ-la İran arasında olan gərginlik haqda danışıb və İranı heç bir halda tək qoymayacaqlarını bildirib.
Xatırladaq ki, keçən həftə İran ABŞ-a aid pilotsuz uçuş aparatını vurub. Bundan sonra iki ölkə arasındakı gərginlik daha da şiddətlənib. Rəsmi Vaşinqton İrana hücum əmri verildiyini, lakin son məqamda bu qərardan daşınıldığını bəyan edib.