"Qarabağ" qələbə qazandı

İdman

29.08.2019 - 22:25

Ağdam klubu Bakıdakı cavab görüşündə qələbəyə nail olub

 

"Qarabağ" komandası 5-ci dəfə UEFA Avropa Liqasının qrup mərhələsinə vəsiqə qazanıb.

 

AYNA "Report"-a istinadən xəbər verir ki, Azərbaycan təmsilçisi buna pley-off mərhələsində Şimali İrlandiya "Linfild"ini iki oyunun yekununda üstələyərək nail olub. Belfastdakı ilk matçda 2:3 hesabı ilə uduzan Ağdam klubu Bakıdakı cavab görüşündə qələbəyə nail olub - 2:1. Hesabı 6-cı dəqiqədə Xayme Romero açıb. 88-ci dəqiqədə Abdullah Zubir "Qarabağ"ın ikinci qolunu vurub. 

 

"Linfild" uzatma dəqiqələrində təsəlli qolunu vurub. İki oyunun yekununda topların nisbəti bərabər olsa da, "Qarabağ" səfərdə daha çox qol vurduğu üçün mərhələ adlayıb.

 

Qeyd edək ki, "Qarabağ" 6-cı dəfə avrokuboklarda qrupa yüksəlib. Bunların birində Azərbaycan klubu Çempionlar Liqasında çıxış edib.

 

Avropa Liqası - Pley-off mərhələsi, cavab oyunu

 

20:00. “Qarabağ” (Azərbaycan) – “Linfild” (Şimali İrlandiya) - 2:1

 

Qollar: Xayme Romero, 6. Abdullah Zubir, 88 - Şeyn Laveri, 90+3

 

Baş hakim: Sergey İvanov

 

Yan xətt hakimləri: Roman Usaçov və Valeri Dançenko

 

Dördüncü hakim: Sergey Lapoçkin (hakimlər briqadası Rusiyadandır)

 

Hakim-inspektor: Alen Hamer (Lüksemburq)

 

UEFA nümayəndəsi: Marko Simyunoviç (Sloveniya)

 

Bakı, Tofiq Bəhramov adına Respublika stadionu

Müəllif: Ayna.az