Polşa Prezidenti rusiyalı həmkarı ilə danışıqlara hazır olduğunu bildirib
Polşa Prezidenti Karol Navrotski ölkəsinin təhlükəsizliyi naminə rusiyalı həmkarı Vladimir Putinlə danışıqlar aparmağa hazır olduğunu bəyan edib.
AYNA.AZ xəbər verir ki, Karol Navrotski bu barədə Radio Zet radiostansiyasının efirində çıxışı zamanı deyib.
“Əgər Polşanın təhlükəsizliyi bu görüşdən asılı olacaqsa, əlbəttə ki, ölkənin maraqları naminə hər şey etməyə hazıram”, – deyə Prezident qeyd edib.
Navrotski həmçinin ABŞ Prezidenti Donald Trampı Qərbdə Rusiya Prezidenti ilə real danışıqlar apara biləcək yeganə şəxs kimi xarakterizə edib.