Məktəblərdə koronavirusla bağlı bugünkü vəziyyət açıqlanıb
Təhsil Nazirliyi ümumi təhsil müəssisələrində bu günə COVID-19-la bağlı məlumat yayıb. Nazirlikdən AYNA-ya verilən məlumata görə, sentyabrın 28-də 15 şagirddə hərarət 37 dərəcədən yüksək olub.
“Bu gün işçi heyətdə hərarəti 37 dərəcədən yüksək olan şəxslərin sayı bir olub. 10 şagirddə, bir işçi heyətdə isə koronavirus aşkarlanıb”, - deyə məlumatda bildirilib.
Qeyd edək ki, yeni tədris ili başlayandan bu günədək 203 şagird və 58 nəfər işçi koronavirusa yoluxub. Distant təhsilə keçən siniflərin sayı yeddidir.