Kranlar dəyişdirilənədək qaz olmayacaq
“Qaz İxrac” İdarəsinə məxsus “Qarasu QPS qol kəməri”ndə quraşdırılmış qaz tənzimləyici qovşaqda qaz tənzimləyici qurğunun çıxış və baypas kranlarının dəyişdirilməsi ilə bağlı, bu gün saat 09:30-dan etibarən işlər başa çatanadək “Qarasu” QPS-dən qidalanan “Qarasu Əhali” qaz ölçü qovşağından qaz təchizatının dayandırılması planlaşdırılıb.
“Azəriqaz” İB-dən AYNA-ya bildirilib ki, təmir işləri aparılan müddətdə Sabirabad və Hacıqabul rayonlarının bir hissəsinin, Ağsu rayonunun Padarqışlaq kəndinin qaz təchizatında müvəqqəti fasilə yaranacaq.